Ногоон үзэсгэлэн нь жилийн турш модлог ургамлын тарьц, суулгацын худалдаа явуулж, жилийн турш мод тарих соёлыг түгээн, сурталчлах зорилготой. Үзэсгэлэнгийн талбайгаас модны тарьц, суулгац авч цэцэрлэгт хүрээлэнд тарих боломжтой
Мод тарьж ургуулах сонирхолтой иргэн аж ахуйн нэгжийг стандартын тарьц, суулгацаар хангах, үндэсний мод үржүүлгийн аж ахуй, мэргэжлийн байгууллагуудын бүтээгдэхүүн, тарьц, суулгацын нөөцийг сурталчлах, худалдан борлуулах
Тэрбум мод үндэсний хөдөлгөөнийг зохион байгуулахад оролцогч талуудын чадавхи, нөөц, боломжуудыг сурталчлах
Төр, хувийн хэвшлийн байгууллагуудын тэрбум мод үндэсний хөдөлгөөний хүрээнд хийж гүйцэтгэх бүтээн байгуулалтын ажлуудыг сурталчлах, төр, хувийн хэвшлийн түншлэлийн хүрээнд хэрэгжүүлэх арга хэмжээг сурталчлах
Мод тарьж, ургуулах иргэд, аж ахуйн нэгжүүдэд мэргэжлийн, технологийн заавар зөвлөгөөг өгөх, тарьж ургуулсан бичил цэцэрлэгт бодит хэлбэрээр үзүүлэн таниулах, ландшафтын дизайн, төлөвлөлтийн талаар заавар зөвлөгөө өгөх
Үндэсний томоохон аж ахуйн нэгж, уул уурхайн компаниуд, банк, санхүүгийн байгууллагуудын нийгмийн хариуцлагын хүрээнд хийгдэх мод тарих ажлыг сурталчлах, мэргэжлийн байгууллагуудтай холбох, харилцан хамтын ажиллагааны гэрээ хэлэлцээр хийх нөхцлийг бүрдүүлэх
Олон нийтэд зориулсан мод тарих сургалт, семинаруудыг зохион байгуулах
Мод үржүүлэг, цэцэрлэгжүүлэлтийн салбарын техник, технологи, инновацийн цуврал хэлэлцүүлгүүдийг зохион байгуулах
Сайн дурын ажилд оролцдог оюутан, залуус үзэсгэлэн худалдаа, мод тарих арга хэмжээнд туслах, зохион байгуулахад оролцох ба тэдэнд урьдчилан сургалт зохион байгуулна. Энэ арга хэмжээний хүрээнд оюутан, залуусын сайн дурын ажлын оролцоог үнэлж, батламж олгох, улмаар ажилд авахдаа сайн дурын ажилд оролцсон байдлыг харгалзан үздэг байх санаачлагыг гарган эхлүүлсэн байна.
